top of page
牙科 Q & A
牙痛可以有幾多個原因
牙齒敏感都可以令到你牙痛
或者隻牙 蝕左 蛀左
又或者係生牙瘡 牙周病 牙腳吸收左
最唔好彩情況 可能會係隻牙 鬆左 裂左 崩左 爆左
如果你唔確定自己需唔需要睇牙醫
可以向最近你的牙科診所作出查詢
相信我地全行同事都好樂意解答你
洗完牙之後呢
隻牙好似細隻左
又唔見得白左好多
而且 牙罅疏左 凍 熱 都會敏感
如果牙齒本身被牙石完全包住 填滿左牙罅
洗走牙石後 的確會覺得 細隻左 疏左 甚至出現敏感
而洗走牙石 所見牙色屬於本身牙色 所以都真係無白左
不過 凍 熱 敏感會隨牙齒管道被口水填補後慢慢恢復
隻牙痛緊剝唔剝到
成日聽人講牙痛要食幾日藥先
發緊炎 痛緊 唔應該剝牙
但又有聽講過食左藥都係會痛
牙痛剝唔剝到會由好多因素決定
例如 擘唔擘得大個口 嚴重發炎會影響麻醉生效
最緊要係睇 本身想唔想剝牙
或者有冇決心 處理 積落 積埋 口腔問題
隻牙仲有無得補
有好多因素會影響隻牙補唔補到
最驚係陳年舊補牙 姐係銀色或者黑色既補牙
如果係 甩左 薄左 崩左 就好難補到
一般而言 補唔補到視乎係咪真係蛀左
蛀到神經部分 好大面積缺失 就未必補到
補左可能都會好快甩
bottom of page